us_nyhende.png
Heim Epost Sidekart

Sparebank1 Fondo

Vel møtt til Sunnmøres første Gran Fondo.

Vi i Ulstein omegn sykkelklubb inviterar alle som ønsker til å ta del i Sparebank 1 Fondo 20 September. Arrangementet er eit ritt utan sammenlagt tidtaking, det er derfor ikkje om å gjere å komme først til mål, men ha dei beste opplevingane. Det vil dog bli lagt inn i alt fire segment gjennom Strava undervegs der det vil bli kåra ein vinnar for beste tid for dei som ønsker å konkurrere litt.

Vi legg til rette for lav terske og lave skuldre, det vert plassert mat/drikkestasjonar undervegs, samt mekanisk hjelp om ein treng det. Ved start og mål ved Sparebank 1 sine lokale i sentrum vert det lagt opp til litt sosialt med mat og snacks for alle deltakarar. Vi kjem i tillegg til å ha ein stand der vi kan hjelpe med sykkelmekking. 

Vi delar rittet i to delar der den eine er kortare enn den andre. Begge løypene følger samme rute i starten før dei går frå kvarandre etter drøyt 3 mil. Det er innlagte grusparti for å legge inn litt krydder i løypa.

Lang rute: Ulsteinvik-Snipsøyrdalen-Hjørungavåg-Hareid-Fjelle-Haddal-Myrvåg-Stokksund-Gursken-Ulsteinvik. 103km og 1350 høgdemeter.

Kort rute: Ulsteinvik-Snipsøyrdalen-Hjørungavåg-Hareid-Ulsteinvik. 43 km og 650 høgdemeter.

Segmenta med tidtaking (frå Strava) er markert med blått i kartet. Det vil også være tydelig merka i løypa med KOM start og slutt. Løypa vil ellers være godt merka med piler.

Håper dette kan verte eit kjekt lavterskel arrangement der alle kan ha det kjekt.

gran_fondo.png

Ålesundsrittet 2020

To frå Ulstein OSK sto på startstreken i årets utgave.

Det 94 km lange ålesundsrittet gjekk av stabelen søndag, med Heine Kulø og Peter Horn til start frå Ulstein. Rittet starta forholdsvis roleg med nokon spurtar undervegs. Peter satt vel framme og Heine satt smart lenger bak i feltet og sparte på kreftene. 

Tre mann stakk ved ulike tidspunk på første runda av frå feltet, desse skulle feltet aldri klare å ta igjen. Det danna seg eit redusert hovudfelt på ca 8 mann bak utbryterane første gong opp Fiksdal. I hovudfeltet satt Peter aktivt med, då det nerma seg Fiksdalsheia for andre gong blei gruppa på 8 mann splitta og kom stykkevis og delt til mål. Heine fullførte sitt aller første ritt og fekk mykje god trening og lærdom, Peter enda på ein fin 7 plass.

Langtur

Det er meldt fint vær søndag, vi drar derfor på langtur.

Oppmøte på Spar Hareid klokka 10:30 for dei som bur der og Shell Ulsteinvik 11:00 for resten. Vi legg opp til 4-5t sykling i snakketempo med innlagt stopp.

Vel møtt!

TIRSDAGSTEMPO!!!

Løypa
Løypa

Tempo treningsritt førstkommande tysdag

I mangel av konkurranse sett vi igong ein uformell treningstempo T/R Flø frå reiten i Ulsteinvik. Løypa vert i alt i underkant av 18 km med 150 høgdemeter. Vi sett igong med første start 18:00 og avsluttar med rolig nedsykling i fellesskap etter endt ritt. Dette blir heilt uformelt og bare på gøy, så her er det ingen terskel for å møte opp. Ein får ikkje bruke temposykkel og spesialutstyr, her stiller alle likt med vanleg landevegssykkel. 

Vi vil gje vekk eit gåvekort på 300kr frå Intersport til ein tilfeldig deltakar, det ryktast ei lita oppmerksomheit til pallplassane også, vel møtt!

Leiar.

Reisebrev fra Costa del Sol

Her kjem eit lite samandrag av treningsleiren i Spania før Covid-19 plutselig satte alt på hovudet....

Det var tre reisesjuke karar som møtte opp på Vigra ein kald, men fin dag i starten av Mars. For dei tre musketerane Frode Skauge, Martin Hovden Hareide og Peter Hagelund Horn låg 13 dagar på den godt kjente solkysten. Desse 13 dagane skule brukast på å få mange mil i beina og virkelig legge grunnlaget sesongen 2020. 

Etter ei lang reise med to mellomlandingar og noko treig baggasje (dei har siesta heile døgnet i Spania) kom perane seg fram på hotellet. Valget kom på Holiday World Resort i Fuengirola like sør for Malaga. Hotellet har bra standard med stor veranda og kjøkken på rommet. Dette kom godt med for svoltne syklistar som ville nyte ettermiddagssola.

Første dag på sykkelen gjekk innover i landet, vi lærte fort at Leikong-bakken er ganske slak i forhold til kva Andalucia har å skilte med. Men vi kom oss omsider til turens høgaste punkt Repetidor på over 900 meter. Etter dette gjekk turen i kupert og vakkert landskap innover landet før vi fann ei alternativ rute heim. 

Dei to neste dagane kom begge på 110km, og høgdemeter blei spist som om det var popcorn. Etter tre lange dagar på sykkelen blei dag fire ein noko kortare tur, på denne turen fekk vi også selskap av Espen Sæther som syklar for Bergen sykkelklubb. Planen var at han skulle være med oss resten av oppholdet, men som dei fleste skjønner viser det seg at det skulle være ein stor kinesisk elefant i rommet som skulle sette ein stoppar for det, men meir om det seinare.

Etter ein kviledag som bare kunne skilte med 1000 høgdemeter og 66km var vi klare for turens lengste og flottaste tur som tok oss oppp eit dalføre nord for Malaga. Her hadde vi milevis med ny asfalt og meir eller mindre bilfrie vegar. Dette er virkelig ei rute som må opplevast om ein skal kalle seg sykklist. Turen enda på over 14 mil og høgdemåleren passerte også 2000 høgdemeter slukt. For dei som er interesserte i tal hadde vi 26km/t i snittfart på litt over 5 timar sykling. Wattmåleren til undertegnede viste ett snitt på nesten 250w på turen, det var med andre ord ein knall dag på setet. 

Etter denne turen begynte ting fort å snu mot det værre, det vart plutselig innført karantene når vi kom heim og situasjonen i verden hadde endra seg til det verre. Dagen etter vart brukt til mykje telefon heim, men vi rakk ei kortare økt på ettermiddagen med intervallar i fjella. Dette skulle vise seg å bli siste tur for denne gang. 

Dagen derpå blei brukt til å booke alt for dyre flybillettar heim etterfulgt av pakking av koffert. Vi forsøkte å nyte freden på solsenga ein siste dag då vi såg at turen dessverre fort gjekk mot slutten noko prematurt. Som ei oppsummering er vi alle enige om at Andalucia i Spania e eit mekka for sykkel, temperaturar på linje med Gran Canaria kombinert med variert terreng i området gjer at det har alt ein kunne ønske seg, spesielt dersom man er en hund etter høgdemeter. 

1234...41Neste

 

Ulstein Nordea-rittet 2017

NYE HOVUDSPONSORAR
Vi har no teikna nye treårige sponsoravtalar med seks bedrifter i Ulstein og Hareid.Rolls-Royce og Hareid Rør & Interiør AS.
Vi har avtaler med:
Intersport Staumane og Aktivtrening